Bota luftë “të ftohtë” me Covid-19, shfaqet sërish Ebola, shënohen viktima
Nga OraNews Përditësimi i fundit 8 Shkurt 2021, 09:22
Vdekja e një gruaje pas infektimit me Ebola në Republikës Demokratike të Kongos ka alarmuar autoritetet.
Mësohet se kjo është viktima e parë nga ky virus, pasi vendi shpalli “përfundimin” e sëmundjes nëntorin e shkuar. Bashkëshorti i viktimës ishte gjithashtu i infektuar, por kishte arritur t’i mbijetojë sëmundjes.
Autoritetet shëndetësore në Kongo kanë nisur menjëherë hetimet nëse rasti ka qenë i vjetër, apo viktima ishte infektuar rishtazi.
Ebola pati një shpërthim të ri përgjatë muajit nëntor, ku u shënuan 55 viktima, ndërkohë që më shumë se 2200 njerëz vdiqën përgjatë viteve 2018-2020.
Virusi Ebola, i njohur më parë si ethe hemorragjike Ebola, është një sëmundje e rrallë, por serioze dhe shpesh fatale që përhapet përmes kontaktit të drejtpërdrejtë me lëngjet e trupit, duke shkaktuar të vjella intensive dhe diarre.
