Albanese: Ndrangheta sot e pranishme në Shqipëri, qeveria nuk duhet të sillet si struci
Nga OraNews Përditësimi i fundit 2 Shkurt 2021, 22:52
Në një intervistë për gazetaren Alba Kepi, të transmetuar në Tempora nga Sonila Meço në RTV Ora, gazetari investigativ Michele Albanese u shpreh se Ndrangheta sot eshtë e pranishme në Shqipëri, por shprehu habinë e tij pse në vendin tonë nuk ka hetime lidhur me këtë gjë.
Michele Albanese: Në Shqipëri, Sllovaki, e me shumë vende të tjera Ndrangheta është sot e pranishme. Qeveria shqiptare nuk duhet të sillet si struci, të fshehë kokën nën rërë. Por duhet t'i kushtojë një vëmendje ekstremisht të veçantë këtij fenomeni.
Ngjan e çuditshme që këto hetime e operacione i bëjnë vetëm prokurorë si Gratteri apo prokurorë të tjerë të Antimafias italiane e nga Shqipëria nuk ka hetime që prekin kriminelë shqiptarë që po zgjerohen në të gjithë botën e që kanë kontakte të drejtpërdrejta me narko-trafikantë amerikano jugorë.
