Vinte nga Amerika e Jugut dhe magazinohej në Amsterdam, shkatërrohet banda e drogës në Itali
Nga OraNews Përditësimi i fundit 2 Shkurt 2021, 09:45
Policia dhe Antimafia italiane kanë ekzekutuar në orët e para të mëngjesit të sotëm një megaoperacion që çoi në shaktërrimin e një trafiku ndërkombëtar lëndësh narkotike.
Operacioni ka përfshirë Drejtoritë e Policive të Romës, Leçes e Rovigos.
Droga trafikohej nga Amerika e Jugut e magazinohej në kryeqytetin e Hollandës, duke u shpëndarë më pas në tregjet e shitjes së drogës në Itali e Europë.
Droga mbante një simbol të caktuar i cili përcaktonte përkatësinë e tyre si dhe paralajmëronte mbërrintjen e një sasie më të madhe.
Anëtarëve të këtij grupi kriminal u janë sekuestruar pasuri me vlerë 4 milionë euro, si dhe 1 milion tjetër euro u konfiskua në pasuri të patundshme, orë e bizhuteri të çmuara si dhe para cash.
Në tre operacionet antidrogë morën pjesë mbi 100 trupa policorë.
Gjatë ditës priten të zbardhen detajet e këtij operacioni.
