Me armë pranë selisë së PS, ja sa vite burg kërkon Prokuroria për Vladimir Gjutën
Nga OraNews Përditësimi i fundit 25 Janar 2021, 15:44
Lëvizja me një armë zjarri pranë selisë së Partisë Socialiste mund t’i kushtojë rëndë Vladimir Gjutës.
Në përfundim të gjykimit të për akuzën e “armëmbajtjes pa leje të armëve luftarake” dhe “mbajtje pa leje të armëve të ftohta”, prokuroria ka kërkuar 5 vite burg për Gjutën..
Seanca e radhës ku do të dëgjohen edhe pretendimet e palës mbrojtjes është programuar për pasnesër, më 27 janar.
Në shkurt të vitit të shkuar Gjuta u kap me pistoletë dhe me një shumë prej 100 mijë eurosh pranë selisë së PS. Ngjarja u shënua në një kohë kur në ambjentet e selisë rozë ndodhej edhe kryeministri Edi Rama.
Ai është një personazh i njohur për policinë dhe drejtësinë, pasi më herët është arrestuar dhe gjykuar për disa vepra penale. Ndërsa u bë "i famshëm" edhe për përplasjen me ish ministrin e brendshëm Saimir Tahiri.
/a.r,OraNews
