U përleshën me policin gjatë tentativës së vjedhjes së dyqanit të celularëve, pranga shokëve hajdutë, dy në kërkim
Nga OraNews Përditësimi i fundit 24 Janar 2021, 09:20
Policia e Fierit ka mundur të zbardhë vjedhjen me thyerje e mbetur në tentativë të dyqanit të celularëve ndodhur 1 javë më parë në këtë qytet.
Për këtë ngjarje kanë rënë në prangat e policisë dy prej autorëve dhe janë shpallur në kërkim dy të tjerë.
"Në vijim të punës intensive dhe veprimeve operative hetimore për zbardhjen e ngjarjes së ndodhur orët e para të mëngjesit të datës 17.01.2021, ku u tentua të vidhet me thyerje dyqani i celularëve në pronësi të shtetasit R. C., nga Specialistët për Hetimin e Krimeve në Komisariatin e Policisë Fier, në bashkëpunim me Prokurorinë e Rrethit Gjyqësor Fier, u realizua me sukses operacioni policor i koduar "Agimi". Në kuadër të këtij operacioni, u bë i mundur identifikimi i autorëve dhe ndalimi i dy prej tyre, shtetasve Gezim Fejzulla, 32 vjeç, banues në Peshtan, Fier, (i dënuar më parë për vjedhje) dhe Ermal Gremi, 26 vjeç, banues në Zhupan, Fier" - njofton policia.
Ndërkohë, u shpallën në kërkim dhe po punohet për kapjen e dy autorëve të tjerë, shtetasve A. F., 32 vjeç, banues në Peshtan i Vogël dhe G. B., 33 vjeç, banues në Fier.
Gjatë tentativës për vjedhje, autorët janë pikasur nga një punonjës i policisë i cili ka ndërhyrë për të parandaluar vjedhjen duke u përplasur fizikisht me autorët, të cilët gjatë largimit kanë goditur me automjetin e tyre tip "Ford" mjetin privat të punonjësit të policisë.
Po ashtu, sekuestrua në cilësinë e provës materiale automjeti tip "Ford" i cili nga hetimet e kryera rezulton se është vjedhur në Tiranë në datë 13.12.2020 nga këta shtetas, si dhe 6 aparate celularë.
Lexo edhe: Fier, tre persona tentojnë të grabisin dyqanin e celularëve, përplasen fizikisht me policin
