Presidenti Meta publikon grafikun e Eurostat: Shqipëria e para për numrin e azilantëve ekonomikë
Nga OraNews Përditësimi i fundit 22 Janar 2021, 10:23
Presidenti Ilir Meta ka publikuar një grafi të Eurostat ku tregohet se Shqipëria është e parë në Europë për numrin e azilantëve ekonomikë.
Sipas Metës, një shqiptar sot ndihet më i pashpresë së sa një sirian, iraken apo afgan, ndërkohë që shton se është koha për të menduar dhe vepruar për shqiptarët.
“Shqipëria zë vendin e parë në Europë për numrin e azilantëve ekonomikë, duke lënë pas edhe vende të sapodala nga lufta dhe konfliktet civile.
Një shqiptar ndihet sot më i pashpresë se një sirian, iraken dhe afgan.
Lufta efikase kundër varfërisë, zhdukja e monopoleve, anulimi i koncensioneve korruptive, rritja e prekshme e pagave dhe pensioneve, hapja e vendeve të reja të punës, ulja e taksave, krijimi i shanseve dhe i mundësive të reja për të rinjtë e ndalojnë shpopullimin.
KOHA PËR TË MENDUAR DHE VEPRUAR PËR SHQIPTARËT”, shkruan Meta.
