Rrëshqitje gurësh e dherash në Pukë, zhbllokohen disa rrugë, një pjesë të pakalueshme

Nga OraNews Përditësimi i fundit 10 Janar 2021, 11:18

Territori i bashkisë Pukë vijon të jetë me prani të reshjeve intensive të Shiut, që gjatë natës u pasuan dhe nga reshje Akulli.

Akset rrugore nacionale që përshkojnë territorin e bashkisë Pukë, jane të gjitha të kalueshme.

Problem mbetet aksi nacional Kryqëzim Hadroj - Gjegjan - Mirditë, ku ka shembje të vazhdueshme gurësh dhe dherash. Rruga është në juridiksionin e Autoritetit Rrugor Shqiptar, i cili është njoftuar për gjendjen dhe rrezikshmërin që paraqet për udhetarët.

Si pasoje e shirave të vazhdueshem në fshatin Shkozë një banesë ka pësuar plasaritje si pasoje e rreshqitjes së tokës, ndërkoh që rreshqitje tokave ka dhe pranë tre banesave në fshatin Qelëz dhe një banese në fshatin Buzhalë.

Apelohen të gjithë banorët e Pukës të bëjnë kujdes pasi në disa zona vijon të ketë rreshqitje toke.

Si pasojë e rreshqitjeve akset rrugore rurale të pakalueshme janë:

Mardhnaq-Meqe

Buhot- Kabash

Gjegjan- Sherraj

Janë zhbllokuar nga rreshqitjet e masivëve rrugët

Qelëz- Mardhnaq

Qelëz - Katund

Rruget rurale të Gjegjanit

Rrugët rurale te Rrapes