Venezuela në krizë ekonomike, mbytet varka me emigrantë
Nga OraNews Përditësimi i fundit 15 Dhjetor 2020, 08:47
Trupat e 14 emigrantëve janë gjetur dy ditët e fundit në brigjet e Venezuelës.
Mendohet se ato janë pjesë e një grupi prej 20 venezuelianëve që kishin tentuar të largoheshin nga vendi me varkë për shkak të kushteve të këqija ekonomike.
Varka ishte nisur nga Guiria në veri-lindje të Sucre dhe besohet se synonin të arrinin në Trinidad dhe Tobago.
Mediat lokale bëjnë me dije që deri më tani 2 nga viktimat janë fëmijë.
11 trupa u gjetën të shtunën në një plazh në afërsi të Guiria, ndërkohë që dy të tjerë u gjetën në një plazh tjetër aty pranë.
Organizata Ndërkombëtare e Migrimit ka publikuar shifrat ku vihet re se 5.4 milion banorë kanë lënë Venezuelën në 5 vitet e fundit për shkak të kushteve të këqia në vend.
