"Unë e kam me licencë mashtrimin" Altin Sulku i nxjerr 'bojën' vetes
Nga OraNews Përditësimi i fundit 6 Dhjetor 2020, 21:22
Altin Sulku është një ndër këngëtarët më të spikatur në muzikën shqiptare. Prej vitesh ai është shoqëruesi ynë kudo, në makinë, shtëpi, lokale me hitet e panumërta që ka.
Të gjithë e njohim pjesën profesionale të Altinit dhe padyshim që e dimë sa i rezervuar është kur vjen puna te jeta private.
Për ju që nuk e dini Altini është babai i dy fëmijëve i një djali të cilin ka vendosur ta quajë Roal dhe i një vogëlusheje bukuroshe, Arlës.
Arla ka lindur këtë vit në datën 1 prill në të njëjtën datë që ka lindur dhe babai i saj.
Kjo ditë për të gjithë etiketohet si "Dita e Gënjeshtrave", mirëpo për Altinin është një ditë mjaft speciale dhe këtë gjë e tha dhe vetë këngëtari mbrëmjen e sotme gjatë intervistës në emisionin "Why Not" në Rtv Ora.
Kjo ditë është aq e veçantë sa ai nuk guxon të gënjejë dhe këtë gjë ja ka bërë të ditur dhe miqve të tij.
" Unë kam thënë mua më besoni vetëm në 1 prill, atë ditë që të gjithë gënjejnë unë jam i sinqertë. Ditë tjetër u kam thënë mos më besoni kot se unë e kam le licence mashtrimin"- thotë ai.
