SPAK merr në pyetje Klevis Allën, të penduarin e atentateve
Nga OraNews Përditësimi i fundit 24 Nëntor 2020, 10:10
Prokurorët e SPAK kanë marrë në pyetje të riun Klevis Alla, një nga personat që akuzohet se mori pjesë në ekzekutimin e dy vëllezërve Haxhia, në prill të këtij viti në Durrës.
Seanca për marrjen në pyetje të Allës është zhvilluar dje në praninë e prokurorëve që po drejtojnë hetimet e vrasjes së dyfishtë dhe ka për qëllim ballafaqimin e rezultateve të hetimeve të deritanishme me dëshminë e Allës, i cili ka marrë statusin e bashkëpunëtorit të drejtësisë.
Thëniet e të riut hodhën dritë mbi dy vrasjet e dyfishta të ndodhura në Durrës në mars ku u qëlluan vëllezërit.
Besmir e Viktor Haxhia dhe në prill në Nishtullë të Durrësit, ku u ekzekutuan Dorjan Shkoza e Anxhelo Avdia.
Pas dëshmisë së Allës, policia arrestoi dhe shpalli në kërkim Talo Çelën dhe Nurodin Dumanin, të dyshuar si të përfshirë në të dyja këto ngjarje.
