"Kush shpëton nga vdekja! Italia përzgjedh pacientët me covid në terapi intensive
Nga OraNews Përditësimi i fundit 23 Nëntor 2020, 12:14
Në këtë fazë të dytë të pandemisë Italia po shfaq vështirësi serioze në sistemin shëndetësor territorial dhe në atë të strukturave spitalore ku në mjaft rajone e provinca raportohet një vështirësi në përballimin e numrit të lartë të personave që kërkojnë kurim spitalor apo trajtim në repartet e terapisë intesive.
Instituti Italian i Shëndetit Publik ka hartuar një protokoll pune me tregues të përcaktuar për të gjithë profesionistët e mjekësisë e në veçanti për mjekët anestezistë, të cilët i orienton që në kushtet e vështirësisë së një mbingarkese pune të zgjedhin cilët pacientë Covid të kurojnë më parë.
Dokumenti i siguruar nga RTV Ora me titull "Vendimet për kurimin intesive në rast shpërpjesëtimi mes nevojave e kujdesjes me burimet e disponueshme gajtë pandemisë" është një linjë guide për mjekët anstezistë mbi prioritetit në repartet e terapive intesive në rast mbikngarkese kritike të tyre.
E sipas këtij dokumenti nuk duhet respektuar kriteri kronologjik i mbërritjes së pacientëve në spital apo zgjedhja e tyre në mënyrë rastësore, por duhet të kenë prioritet absolut ata pacientë të infektuar që kanë më shumë mundësi mbijetese.
"Në rast mbingarkimi që përcakton pamundësinë e garantimit të kujdesit në terapitë intesive për të gjithë pacientët duhet respektuar kriteret e prioritetit, zbatimi i të cilave nuk duhet të përjashtoë apo të eleminojë nevojën e përshtatshmërisë së kurimit për shkak të situatës së jashtëzakonshme" lexohet në këtë dokument. E mbi të gjitha duhet të garantohet e drejta e të sëmurit për t'u kujdesur me të gjitha instrumentet e mundshme.
Kriteri i përparësisë së zgjedhjes së pacientëve për kurim në repartet e terapsië intesive do bëhet në bazë të këtyre elementeve; numri e tipi i sëmundjeve bashkëshoqëruese, gjëndja e mëparshme funksionale e brishtësia e pacientit, rëndesa e kuadrit klinik e ndikimi i supozuar i trajtimeve intesive duke marrë në konsideratë dhe moshën e pacientit, vullneti i pacientit për t'u kuruar me terapi intesive që në fazën e parë të triazhit si dhe mosha e pacientit në kontekstin e plotë të kuadrit të tij klinik.
Në lidhje me këtë kriter të fundit, protokolli i Institutit Italian të shëndetit Publik nënvizon se "mosha në vetvete nuk është një kriter i mjaftueshmë për të vendosur se cilët pacientë duhen kuruar më parë o jo në terapi intesive, prandaj dhe në fazën e trirazhit nuk mund të ketë përjashtime për shkak të moshës."
Për çdo pacientë Covid duhet kryer cdo ditë vlerësimi i kuadrit të tij klinik, kurimi e terapitë që duhet të ndjekë e në rastet e pamundësisë së kurimit në terapi intesive duhet t'i garantohet trajtimi para intesiv.
Aktualisht në Itali janë 34 279 pacientë që po kurohen në struktura spitalore e 3801 në repartet e terapisë intesive. NDërsa janë mbi 800 mijë të infektuar aktivë nga pandemia.
