Suad Lici nuk është më administrator i Vllaznisë. Ja kush e zëvendëson
Nga OraNews Përditësimi i fundit 21 Tetor 2020, 20:05
Suad Lici nuk është më administrator i KF Vllaznia.
Lajmin e jep vetë klubi shkodran, sipas të cilit, Lici ka kërkuar dorëheqjen për arsye personale.
Ndërkohë në vend të tij vjen Benjamin Naku.
Njoftimi:
KF Vllaznia bën të ditur se administratori i klubit, z. Suad Lici, ka kërkuar dorëheqjen nga ky pozicion për arsye të angazhimeve të tij personale.
Këshilli Mbikëqyrës është njohur me kërkesën e z. Lici, e ka shqyrtuar dhe ka vendosur pranimin e saj. Në vazhdim, Këshilli Mbikëqyrës ka diskutuar për administratorin e ri të KF Vllaznia dhe ka vendosur emërimin e z. Benjamin Naku në këtë pozicion.
Z. Naku njihet për karrierën e suksesshme si sportist, por edhe si pedagog dhe drejtues i Departamentit të Edukimit Fizik e Sporteve, në Fakultetin e Shkencave të Edukimit pranë Universitetit të Shkodrës “Luigj Gurakuqi”.
Dëshirojmë të shprehim falenderimin tonë për punën e bërë nga z. Lici. Ai do të vazhdojë të japë kontributin e tij pranë KF Vllaznia, tashmë në pozicionin e Kordinatorit Teknik.
Njëkohësisht i urojmë z. Benjamin Naku suksese në detyrën e re.
