Ukraina shpall 26 shtatorin ditë zie pas rrëzimit të aeroplanit ushtarak
Nga OraNews Përditësimi i fundit 26 Shtator 2020, 18:55
Ekipet e kërkim-shpëtimit po vazhdojnë punën në zonën ku një aeroplan ushtarak i Ukrainës u rrëzua.
Autoritetet thanë se kanë gjetur edhe dy trupa të pajetë, duke çuar në 26 numrin e viktimave nga rrëzimi i avionit, ndërkaq një person ka shpëtuar.
Presidenti ukrainas, Volodymyr Zelenskiy ka shpallur 26 shtatorin ditë zie, për të nderuar viktimat e këtij aksidenti.
Zelenskiy, që vizitoi vendin ku u rrëzua aeroplani, bëri thirrje për hetim të plotë rreth gjendjes së pajisjeve të ushtrisë së vendit.
Kryeministri Denys SHmyhal ka bërë thirrje që raporti zyrtar për rrëzimin e aeroplanit të përpilohet deri më 25 tetor.
“Dje kemi humbur kadetë të rinj dhe ushtarakë me eksperiencë. I gjithë vendi do t’i kujtojë ata sot, së bashku me familjet e tyre”, tha Zelenskiy.
