ISIS zbulon monedhat e reja prej ari, e barazvlefshme me 139 dollarë
Nga OraNews Përditësimi i fundit 31 Gusht 2015, 08:33
Nëpërmjet një videoje militantët e Shtetit Islamik kanë treguar mjetin e tyre të fundit të propagandës – monedhën e tyre.Video, që përfshin një histori të zymtë dhe të shtrembëruar të ekonomisë botërore, tregon shkrirjen e monedhave prej ari, argjendi e bakri, shkruan Daily Mail.Video akuzon Shtetet e Bashkuara se i konfiskon pasuritë reale nëpërmjet një dekreti ekzekutiv me futjen e Aktit të Rezevrave të Arit në vitin 1934.Pavarësisht prodhimit të monedhës së tyre të re, ISIS nuk ka mjete të tjera për të paguar bandat e xhihadistëve përveç përdorimit të dollarëve amerikanë.Tregtia lokale vazhdon të bëhet nëpërmjet përdorimit të monedhës vendase ose me dollarë amerikanë, për shkak të stabilitetit të monedhës perëndimore.Grupi xhihadist deklaron në video se 1 dinar ari 21-karat peshon 4.25 gram dhe do të jetë i barabartë me 139 dollarë.ISIS thotë se monedha e tyre nuk do ta humbë kurrë vlerën në krahasim me paratë prej letre. Meqënëse ISIS është grup terrorist nuk do të arrijë t’i përdorë monedhat jashtë territorit të saj.Sipas tyre, kjo monedhë do t’i japë fund skllavërimit nga kapitalizmi.
/Oranews.tv/
