Erdogan në Tiranë me 14 maj, kredi miliona dollarëshe për Shqipërinë
Nga OraNews Përditësimi i fundit 6 Maj 2014, 16:36
Tiranë- Pas dy vizitave të kryeministrit Edi Rama në Turqi, pritet që në 14 maj në vendin tonë të mbërrijë për një vizitë zyrtare kryeministri i Turqisë, Rexhep Tajip Erdogan.Burime zyrtare kanë konfirmuar qëndrimin njëditor në Tiranë të kreut të qeverisë turke, i cili pritet të ketë një axhendë mjaft të ngjeshur takimesh.Erdogan do të takohet me Presidentin Bujar Nishani, kreun e Kuvendit Ilir Meta, kryeminsitrin Edi Rama dhe me Ministrin e Jashtëm, Ditmir Bushati.Mësohet se Kryeministri do ti drejtohet me një fjalë përshëndetëse edhe Parlametit të Shqipërisë.Kabineti turk dhe ai shqiptar pritet të firmosin një sërë marrëveshjesh bashkëpunimi në fusha si mbrojtja, arsimi, shëndetësia e bujqësia, ndërsa po diskutohet edhe për mundësinë e marrjes prej Turqisë së një kredie të butë, e cila arrin në miliona dollarë.Kryeministri shqiptar, Edi Rama, që nga marrja e detyrës e ka cilësuar Turqinë si një partner strategjik për vendin tonë.
