Kolorado, të shtëna në shkollë, 2 të plagosur
Nga OraNews Përditësimi i fundit 14 Dhjetor 2013, 07:45
Dy studentë janë plagosur pas disa të shtënave në një shkollë të Kolorados në Shtetet e Bashkuara të Amerikës.Një student, i cili besohet të jetë personi agresor në shkollë, është gjetur i vdekur pas një plage në dukje nga një vetëplagosje me armën e tij, bëjnë me dije autoritetet .Ai shtoi se agresori ishte duke kërkuar për një mësues specifik, i cili ishte larguar nga shkolla. Një student, i cili u konfrontua me agresorin, u qëllua gjithashtu. Ende është e paqartë se si mori plagë të lehta një student tjetër.Shkolla dhe zona përreth saj u rrethuan nga forca policore, teksa sherifi Grayson Robinson theksoi se kërcënimi kishte përfunduar.Sapo dolën raportet e para për të shtëna në një shkollë, policia e armatosur rëndë dhe e trajnuar në skenare me të shtëna të vazhdueshme u gjend menjëherë në vendngjarje, duke urdhëruar studentët të dilnin jashtë me duart të ngritura pas koke.Brenda ambienteve të shkollës, ata gjetën të vdekur agresorin e dyshuar, si dhe dy studentë të tjerë të plagosur, njëri prej të cilëve kishte marrë një plagë të lehtë, tha Robinson.Policia publikoi më vonë edhe emrin e agresorit-viktimë, Karl H. Pierson, 18 vjeç. Shkolla kishte mbi 2200 studentë dhe 70 klasa mësimore.Ndërtesa gjendet vetëm 13 km në lindje të gjimnazit Columbine në Littleton të Kolorados, vend që u përfshi nga disa të shtëna masive në shkollë gjatë prillit të 2009-s, ku mbetën të vdekur 14 studentë.
