Rama: Programi i shahut në shkolla, inkurajues për nga interesi e talenti i nxënësve
Nga OraNews Përditësimi i fundit 24 Maj 2026, 23:28
Gjatë dekadës së fundit sporti është shndërruar nga një shtyllë të zhvillimit social e shëndetësor, me investime në infrastrukturë dhe rritje të mundësive për fëmijët e të rinjtë.
Programi i ekipeve sportive në shkolla ka rezultuar histori suksesi dhe parashikohet të vijojë zgjerimi në numër disiplinash dhe investime vjetore në infrastrukturë, për të rritur pjesëmarrjen e fëmijëve dhe të rinjve në aktivitete sportive.
Këtë vit Programit Kombëtar “Sporti në Shkollë”, u shtua edhe shahu. Kryeministri Edi Rama ndau disa pamje të nxënësve duke luajtur shah, teksa thekson se “hapat e parë janë tejet inkurajues, për nga interesi e talenti i nxënësve”.
Nxënësit zhvillojnë ndeshje plot përqendrim, emocion dhe frymë sportive, duke treguar pasion dhe interes në rritje për lojën e shahut. Aktivitete të tilla ndihmojnë në zhvillimin e mendimit logjik, disiplinës dhe fair-play-it, duke e kthyer shahun në një pjesë aktive të jetës shkollore.
Shahut, si një sport që nxit përqendrimin, durimin dhe strategjinë, po i jepet vëmendje e veçantë në këtë kontekst.
Nisma për integrimin e sporteve të ndryshme në sistemin arsimor është pjesë e reformës më të gjerë që synon edukimin e fëmijëve përmes aktivitetit fizik dhe zhvillimit të mendimit logjik e kritik.
