“Po vd*s”/ Zbriti nga makina dhe ra në pusetë, humb jetën 56-vjeçarja shqiptare në New York (EMRI+ FOTO)
Nga OraNews Përditësimi i fundit 20 Maj 2026, 09:00
Një 56-vjeçare shqiptare ka humbur jetën në Manhattan të New York-ut, pasi ka rënë një një pusetë. Sipas mediave të huaja, Donike Gocaj pasi ka dalë nga makina e saj ka rënë në një puset me thellësi prej rreth 3 ose 4.5 metrash.
Konkretisht ngjarja ndodhi pak para mesnatës së të hënës, kur efektivët iu përgjigjën një telefonate emergjente në Manhattan dhe gjetën shqiptaren pa ndjenja në fund të pusetës. Më pas, ajo u transportua menjëherë në spital, por mjekët konfirmuan vdekjen e saj.
Një dëshmitar në vendin e ngjarjes deklaroi se kishte dëgjuar të bërtitura, ndërsa gruaja thoshte “po vdes”. Kompania energjetike Con Edison ka deklaruar, se pas shqyrtimit të pamjeve filmike, dyshohet se kapaku i pusetës ishte zhvendosur nga një kamion pak minuta para incidentit.
“Ne kemi shqyrtuar pamjet video nga zona të cilat sugjerojnë se mbulesa u zhvendos pasi një kamion me shumë boshte që po kthehej në Rrugën e 52-të nga Avenuja e 5-të kaloi sipër saj. Përafërsisht 12 minuta më vonë, personi i përfshirë në incident parkoi makinën e saj afër. Po shqyrtojmë detajet dhe, ndonëse kjo është një ngjarje e rrallë, kapakët e pusetave mund të zhvendosen nga automjetet e rënda. Mendimet tona mbeten me familjen e saj dhe siguria mbetet përparësia jonë kryesore," deklaroi një zëdhënës i kompanisë për CBS.
Kompania shtoi se raste të tilla janë të rralla, por kapakët e puseteva mund të zhvendosen nga automjete të rënda. Ndërkohë, familjarët e viktimës thanë për mediat se po përpiqen të kuptojnë se si mund të kishte ndodhur një tragjedi e tillë në një nga rrugët më të frekuentuara të qytetit.
Mbetet e paqartë se çfarë po bënte Gocaj, nga Briarcliff Manor në Qarkun Westchester, në zonën luksoze tregtare vonë natën. Fotot tregonin se automjeti i saj dukej i parkuar në një zonë pranë një korsie biçikletash dhe jashtë dyqanit Cartier që mbyllej në orën 7 të mbrëmjes. Një dëshmitar tha se Gocaj bëri vetëm disa hapa përpara dhe ra në gropë pasi mbylli derën e makinës. Ai tha se ajo nuk dukej të ishte e shpërqendruar ose në telefon.
"E di, ishte si në ato filmat vizatimorë. Ajo thjesht u zhduk në vrimë", tha ai.
