PAMJET/ Peshëngritësi Samoel Rrasa, nënkampion bote për të rinj në Egjipt
Nga OraNews Përditësimi i fundit 4 Maj 2026, 13:07
Peshëngritja shqiptare vijon të japë rezultate të spikatura në arenën ndërkombëtare, teksa sportisti i ri Samoel Rrasa është shpallur nënkampion bote në Kampionatin Botëror për të Rinj që po zhvillohet në Egjipt.
Komiteti Olimpik Kombëtar Shqiptar (KOKSH), bëri të ditur sot se 18-vjeçari kuqezi garoi në peshën 65 kg, ku siguroi vendin e dytë në stilin e shkëputjes me 134 kg, duke merituar medaljen e argjendtë.
Në garën e dygarëshit, Rrasa regjistroi një total prej 290 kg, rezultat që e renditi në vendin e katërt, shumë pranë podiumit.
Ky sukses konfirmon potencialin e lartë të sportistit shqiptar dhe progresin e vazhdueshëm të peshëngritjes në vend në kompeticionet ndërkombëtare.
