Shqipëria fiton medalje ari dhe argjendi në Kampionatin Evropian të Fitness dhe Bodybuilding 2026
Nga OraNews Përditësimi i fundit 4 Maj 2026, 12:54
Ekipi Kombëtar i Fitness dhe Bodybuilding ka fituar 1 medalje ari dhe 1 medalje argjendi në Kampionatin Evropian 2026, i zhvilluar nga 29 prill deri më 3 maj në Santa Susana, Spanjë.
Komiteti Olimpik Kombëtar Shqiptar (KOKSH), njoftoi sot se, delegacioni kuqezi u paraqit me 5 sportistë, duke arritur rezultate të rëndësishme.
Sportisti Dion Haxhiaj u shpall kampion evropian, duke fituar medaljen e artë në kategorinë “Men’s Physique Junior” (–20 vjeç).
Ndërkohë, Edmond Met’hasani siguroi medaljen e argjendtë në “Men’s Classic Bodybuilding” (–180 cm), si dhe u rendit në vendin e katërt në “Men’s Games Classic Bodybuilding” (–180 cm) dhe në vendin e pestë në “Men’s Fit Bodybuilding” (+180 cm).
Rezultate të mira arriti edhe Bruno Nuho, i cili u rendit në vendin e pestë në “Men’s Classic Bodybuilding” (–171 cm) dhe në vendin e gjashtë në “Men’s Fit Bodybuilding” (+170 cm).
Ndërsa sportistët Armando Mancaku dhe Antonio Paloka konkurruan respektivisht në “Men’s Bodybuilding” (–75 kg, semi-pro) dhe “Men’s Physique” (–170 cm), por nuk arritën të kualifikohen në finalen e 6 më të mirëve.
Pjesëmarrja në këtë kampionat dëshmon për progresin e sporteve të fitness-it dhe bodybuilding-ut në vend, si dhe për përkushtimin e sportistëve shqiptarë në arenën ndërkombëtare.
