FOTO/LAJM Dita Botërore e Veterinarisë, roli themeltar i veterinerëve në shëndetin publik
Nga OraNews Përditësimi i fundit 25 Prill 2026, 11:21
Këtë të shtunë, më 25 prill përkujtojet Dita Botërore e Veterinarisë. Vëmendja për këtë vit është përqendruar tek
“Veterinerët: Mbrojtësit e Ushqimit dhe Shëndetit Publik”.
Kjo temë vë në pah dhe thekson rolin thelbësor të mjekut veterinar në mbrojtjen e shëndetit të kafshëve dhe të njerëzve, si dhe në garantimin e sigurisë ushqimore.
Sipas Mjekësisë Veterinare Shqiptare, mjeku veterinar është profesionisti kryesor në parandalimin e sëmundjeve zoonotike, luftën kundër rezistencës antimikrobike dhe sigurimin e ushqimeve me origjinë shtazore të sigurta për konsum.
Roli i veterinerit mbetet një nga detyrat kryesore në shëndetin publik për të garantuar mbarëvajtjen e ecurisë ushqimore dhe kujdesit ndaj kafshëve dhe njerëzve.
Nga ferma deri në tryezën e konsumatorit, veterinerët mbeten një shtyllë themelore në ruajtjen e shëndetit publik dhe sigurisë ushqimore.
