Bosi i mafias shqiptare drejtonte aktivitetin nga burgu, arrestohen dy të rinj për trafik droge në Greqi
Nga OraNews Përditësimi i fundit 18 Prill 2026, 20:11
Autoritetet greke kanë arrestuar dy të rinj në Anthinë, të cilët dyshihen se ishin të lidhur me një rrjet kriminal shqiptarë. Bëhet fjalë për një 22-vjeçar dhe një 19-vjeçar të cilët sipas informacioneve kanë vepruar me urdhër të bosit të mafies shqiptare, i cili ka qenë i përfshirë në vrasjen e avokatit Michalis Zafeiropoulos në tetor të vitit 2017 dhe ndodhet në burgun e Malandrinos.
Gjatë kontrollit të policisë iu gjetën dhe sekuestruan 61 pako najloni kanabis, me peshë totale 89 gram, gati për shpërndarje, si dhe 520 euro.
Mediat greke shkruajnë se kjo u pasua nga një kontroll në shtëpinë e 22-vjeçarit nga oficerët e policisë, ku u gjetën 92 gram kanabis shtesë, dy peshore elektronike precize dhe një numër pako najloni. Në të njëjtën zonë u gjetën edhe një grusht hekuri dhe një thikë e palosshme, të cilat u konfiskuan.
Vihet re se lideri i burgosur i mafias shqiptare është i përfshirë edhe në një rast zhvatjeje ndaj një menaxheri kompanie në zonën e Selanikut, për të cilin janë bërë katër arrestime nga Policia më 17 prill.
