MAN.UNITED ME PROBLEME! Djajtë e kuq janë në krizë në repatin mbrojtës
Nga Anila Zyberaj Përditësimi i fundit 14 Prill 2026, 12:47
Manchester United po vuan në repartin mbrojtës dhe atë të mesfushës, teksa në fundjavë I pret një ndeshje e rëndësishme në Londër kundër Chelsea. Kapiteni Maguire rrezikon të pezullohet më shumë se një ndeshje, ndërsa disa lojëtarë të tjer kyc pritet të mungojnë për shkak të dëmtimeve.
Manchester United dhe trajneri Michael Carrick përballen me një provë të madhe këtë fundjavë, teksa udhëtojnë drejt Londrës për ndeshjen kundër Chelseat në Stamford Bridge.
Kjo sfidë vjen në një moment të vështirë për “Djajtë e Kuq”, pas humbjes në shtëpi ndaj Leeds. Një disfatë tjetër do të ngushtonte ndjeshëm diferencën me rivalët për zonën e Ligës së Kampionëve, duke rritur presionin mbi skuadrën dhe trajnerin.
Problemet më të mëdha për United janë në mbrojtje. Harry Maguire rrezikon një pezullim shtesë, ndërsa Matthijs de Ligt dhe Lisandro Martinez pritet të mungojnë për shkak dëmtimesh dhe pezullimesh. Kjo situatë mund ta detyrojë Carrick të aktivizojë dy mbrojtës shumë të rinj në një ndeshje vendimtare.
Vështirësi ka edhe në mesfushë. Mungesa e Kobbie Mainoo është ndjerë dukshëm, pasi ai ofron lidhjen mes mbrojtjes dhe sulmit. Ndërkohë, Manuel Ugarte nuk ka arritur të marrë kontrollin e lojës, duke lënë më shumë përgjegjësi mbi kapitenin Bruno Fernandes për krijimin e rasteve.
Edhe në repartin ofensiv ka pasur paqëndrueshmëri. Vendimi për të lënë në stol Bryan Mbeumo nuk dha rezultat, ndërsa lojtarë si Amad Diallo dhe të tjerët nuk kanë qenë në formën e tyre më të mirë.
Pavarësisht kritikave, Carrick mbetet i qetë dhe beson te skuadra e tij. Ai thekson se ekipi ka treguar karakter gjatë sezonit dhe se një humbje nuk ndryshon identitetin e tyre.
Megjithatë, ndeshja ndaj Chelseat pritet të jetë vendimtare.
Një tjetër rezultat negativ mund të vërë seriozisht në dyshim objektivin për kualifikim në Ligën e Kampionëve dhe të rrisë presionin mbi trajnerin anglez në javët e fundit të sezonit.
