“Evropa e bashkuar përsëri!”/ Tusk përshëndet fitoren e Magyar dhe 'godet' Rusinë
Nga OraNews Përditësimi i fundit 13 Prill 2026, 08:03
Donald Tusk ka reaguar pas rezultatit të zgjedhjeve në Hungari, duke përshëndetur fitoren e Peter Magyar si një moment të rëndësishëm për Evropën.
Në një postim në rrjetet sociale, ai e përshkroi këtë rezultat si një fitore të madhe për unitetin evropian dhe për afrimin e vendeve të rajonit me Bashkimin Evropian.
Ai përdori edhe shprehjen “Ruszkik haza!”, që nënkupton një qëndrim të qartë kundër ndikimit rus.
Fitorja e Magyar vjen pas humbjes së Viktor Orban, i cili ka qenë në pushtet për vite me radhë dhe është njohur për politikat e tij nacionaliste si dhe për marrëdhëniet e afërta me Rusinë.
Ky zhvillim shihet si një kthesë e mundshme për Hungarinë, me një orientim më të fortë drejt Evropës dhe një distancim nga ndikimi rus në politikën e jashtme.
Rezultati ka marrë vëmendje të gjerë në rajon, pasi mund të ndikojë jo vetëm në politikën e brendshme të Hungarisë, por edhe në balancat më të gjera brenda Bashkimit Evropian.
