VIDEO/ Rama mbërrin në sallën e teatrit “Bylis”, pritet të nisë Asambleja e PS-së për Fierin
Nga OraNews Përditësimi i fundit 11 Prill 2026, 17:08
Sapo ka mbërritur në sallën e teatrit “ Bylis”, kryeministri Edi Rama, ku do të zhvillohet Asambleja e zgjeruar e Partisë Socialiste për Fierin.
Në fokus të këtij takimi pritet të jetë forcimi i strukturave të PS-së, si dhe procesi i zgjedhjeve të reja brenda partisë. Gjithashtu, pjesë e diskutimeve do të jetë edhe platforma organizative dhe përgatitjet për zgjedhjet vendore.
Takimi vjen në kuadër të riorganizimit të strukturave dhe mobilizimit të bazës për sfidat e ardhshme elektorale. Ndërkohë më herët Kryeministri Rama ka zhvilluar disa takime edhe në Lushnje, ku fokusi kryesor kanë qënë fermerët dhe hapja e qëndrës së re të kontrollit teknik të automjeteve .
