“Treni i historisë nuk pret”/ Rama u lë 'porositë' socialistëve: Zgjedhjet nuk janë lokale, janë për të ardhmen në BE
Nga OraNews Përditësimi i fundit 9 Prill 2026, 17:51
Kryeministri i Shqipëria, Edi Rama, ka folur në asamblenë e Partisë Socialiste në Durrës, ku u ndal te zgjedhjet e ardhshme dhe procesi i integrimit në Bashkimi Evropian.
Ai u shpreh se Shqipërisë i është hapur një mundësi për t’u afruar më shumë me BE-në dhe se kjo duhet shfrytëzuar.
Sipas tij, kjo është një periudhë e rëndësishme dhe vendi duhet të bëjë përpjekje që kjo mundësi të mos humbasë.
Rama e lidhi këtë moment edhe me zgjedhjet e ardhshme vendore, duke i cilësuar si një provë politike që shkon përtej nivelit lokal.
Ai u shpreh se Partia Socialiste duhet të konfirmohet në këto zgjedhje dhe se ky moment është i rëndësishëm për të ardhmen e vendit në raport me integrimin evropian.
Gjithashtu Rama tha se Shqipëria duhet të shfrytëzojë këtë mundësi historike dhe të ecë përpara në rrugën drejt Bashkimit Evropian.
FJALA E KRYEMINISTRIT:
Është hapur një derë në BE, na kanë thënë ata: ne ju duam, ne duhet të bëjmë çmos të mos mbyllet dera pa hyrë ne brenda. Duhet ta konfirmojmë PS në zgjedhjet e ardhshme, që janë zgjedhje politike më shumë sesa vendore. Duhet që PS të jetë e vetëdijshme që fati e ka dashur të na bjerë një gur kaq i madh për ta vendosur në majë, duke vulosur prezencën e Shqipërisë në BE. Kështu e ka sjellë rrota e historisë, ne duhet ta bëjmë atë që na kërkohet. Duhet ta kapim trenin e historisë patjetër.
