Kosova synon “Pavarësinë e dytë”/ Ja FORMACIONET E MUNDSHME në duelin historik ndaj Turqisë
Nga OraNews Përditësimi i fundit 31 Mars 2026, 15:21
Prishtina nuk do të jetë sonte thjesht një qytet i zakonshëm. Kryeqyteti pritet të kthehet në epiqendrën emocionale të gjithë shqiptarëve, teksa sytë janë drejtuar nga Stadiumi Fadil Vokrri, ku do të zhvillohet një nga ndeshjet më të rëndësishme në historinë e futbollit kosovar.
Përfaqësuesja e Kosova është vetëm një hap larg realizimit të një ëndrre të madhe: kualifikimit në Kampionatin Botëror. Pas një përmbysjeje dramatike dhe fitores së rëndësishme ndaj Sllovakisë, “Dardanët” kanë siguruar të drejtën për të luftuar në finalen e Play-Off-it.
Përballë tyre do të jetë Turqia, një kundërshtar me eksperiencë dhe cilësi, që pritet të vërë në provë maksimalisht ekipin vendas. Megjithatë, atmosfera në stadium dhe mbështetja e zjarrtë e tifozëve pritet të jenë një faktor kyç në këtë përballje vendimtare.
Kjo sfidë tejkalon kufijtë e një ndeshjeje të zakonshme futbolli. Ajo përfaqëson kulmin e një rrugëtimi të gjatë, të mbushur me sakrifica, përkushtim dhe ambicie. Për Kosovën, janë 90 minuta që mund të shkruajnë historinë.
Formacionet e mundshme
Foda pritet të luajë me vendosjen 5-3-2, duke rreshtuar një ekip të kujdesshëm. Gallapeni dhe Vojvoda do të luajnë nga krahët, ndërkohë që në qendër spikat mungesa e Amir Rrahmanit, i dëmtuar. Muslija, Rexhbecaj dhe Hoxha do të jenë trinomi në mesfushë, ndërkohë që në sulm është dyshja magjike Muriqi dhe Fisnik Asllani.
Vincenzo Montella nga ana tjetër kundërpërgjigjet me një formacion më sulmues 4-2-3-1. Calhanoglu dhe Yuksek pritet të jenë dyshja para mbrojtjes, ndërkohë që Guler, Yildiz dhe Yilmaz është trinomi me yje pas sulmuesit të vetëm Akturkoglu.
