Gjykata Kushtetuese e Kosovës refuzon kërkesat e opozitës: Procedura për zgjedhjen e presidentit vazhdon pa pengesa
Nga OraNews Përditësimi i fundit 30 Mars 2026, 19:57
Gjykata Kushtetuese e Kosovës ka refuzuar kërkesën e kryeparlamentares Albulena Haxhiu dhe nëntë deputetëve të tjerë, të cilët kërkonin që mosvotimi në seancën e 5 marsit për zgjedhjen e presidentit të konsiderohej shkelje e Kushtetutës.
Gjykata gjithashtu nuk pranoi masën e përkohshme që opozita kërkoi, duke argumentuar se procedura për zgjedhjen e presidentit ishte trajtuar më parë në aktgjykime të vitit 2011 dhe 2016 dhe nuk kishte rrethana të reja që të justifikonin rishqyrtim.
Sipas vendimit të Kushtetueses, Kuvendi i Kosovës nuk ka kaluar afatet e përcaktuara ligjore për zgjedhjen e presidentit, ndërsa dekreti i presidentes Vjosa Osmani për shpërndarjen e Kuvendit nuk ka pasur efekt juridik.
Procedura e zgjedhjes së presidentit duhet të përfundojë brenda 60 ditësh nga fillimi i procedurës dhe jo më vonë se 30 ditë para përfundimit të mandatit të presidentit aktual.
Presidentja Osmani përfundon mandatin më 5 prill dhe nuk ka mbështetje të mjaftueshme për një mandat të dytë.
Ky aktgjykim vjen disa ditë pas vendimit të mëparshëm të Kushtetueses, që përcaktoi afatin kohor për zgjedhjen e presidentit dhe sqaroi procedurat e nevojshme për shpërndarjen e Kuvendit.
