VELIAJ E XOXA NUK PARAQITEN/ Seanca e parë në themel edhe për Elman Abulen, në sallë nuk lejohen kamerat

Nga Edison Vatnikaj Përditësimi i fundit 9 Mars 2026, 09:57

Ka nisur pak minuta më parë në Gjykatën e Posaçme seanca e parë ndaj kryebashkiakut të arrestuar të Tiranës, Erjon Veliaj, bashkëshortes se tij Ajola Xoxën, etj.

Ndaj tyre rëndojnë 13 akuza penale si: korrupsion shpërdorim detyre, pastrim parash etj.

Lidhur me gjykimin në themel ndaj çiftit Veliaj - Xoxa dhe 28 të pandehurve të tjerë, është paraqitur në seancë dhe miku i Veliajt, biznesmeni Elman Abule.

“Vetë Kryetari i bashkisë Tiranë Erjon Veliaj nuk ishte prezent, e po ashtu as bashkëshortja e tij Ajola Xoxa.

Erjon Veliaj i ka dërguar shkresë Gjykatës duke thënë se: “Nuk dua të paraqitem në këtë seancë”.

Ajola Xoxa ka marrë dijeni për seancën, por vetë nuk është e pranishme duke u përfaqësuar nga avokatët.

Pjesë e grupit të Veliajt janë 30 persona dhe kompani të cilët kanë bashkëpunuar ndër vite me Veliajn për fondet e bashkisë.

“Ora News” kishte depozituar një kërkesë për të futur kamera ne seancën gjyqësore, por është rrëzuar, pasi i pandehuri Elman Abule refuzoi të filmohet.

Ndërkaq, Prokuroria e Posaçme përfaqësohet në këtë seancë vetëm nga prokurori Olsi Dado”, raporton për “Ora News” gazetari Edison Vatnikaj.

DEKLARATAT E PARA TË MBROJTJES

Avokatja kryesisht e Veliajt: “Të pandehurit Erjon Veliajt nuk iu dhanë dokumentet as me seancë paraprake. Të mbrojturit prej meje t’i jepen dokumentet që të jetë prezent seancën tjetër. E kam takuar dy herë Veliajn dhe një herë tjetër që shkove ishte me surume”.

Avokatet e Xoxës: “Ajola është në pamundësi shëndetësore për t’u paraqitur, pasi është shtatzënë dhe ia ka ndaluar doktori për të lëvizur”.

NDAJ ERION VELIAJT QËNDROJNË KËTO AKUZA:

1. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Agi Kons” sh.p.k., parashikuar nga neni 260 e 25 i Kodit Penal;

2. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Fusha” sh.p.k., parashikuar nga neni 260 e 25 i Kodit Penal;

3. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Palushi” sh.p.k., parashikuar nga neni 260 e 25 i Kodit Penal;

4. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Gerard-A” sh.p.k., parashikuar nga neni 260 e 25 i Kodit Penal;

5. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Kontakt” sh.p.k., parashikuar nga neni 260 e 25 i Kodit Penal;

6. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Eventus” OJF, parashikuar nga neni 260 e 25 i Kodit Penal;

7. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Muza” OJF, parashikuar nga neni 260 e 25 i Kodit Penal;

8. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “BYL-A” OJF, parashikuar nga neni 260 e 25 i Kodit Penal;

9. “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim, në lidhje me përfitimin e parregullt të marrë nga “Frobolous” OJF, parashikuar nga neni 260 e 25 i Kodit Penal;

10. “Pastrimi i produkteve të veprës penale ose veprimtarisë kriminale”, kryer në bashkëpunim më shumë se një herë, parashikuar nga neni 287/2 i Kodit Penal;

11. “Futja ose mbajtja e sendeve të ndaluara në institucionin e ekzekutimit të vendimeve me burgim”, më shumë se një herë, parashikuar nga neni 324/a/2 i Kodit Penal;

12. “Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, parashikuar nga neni 257/a/2 i Kodit Penal;

13. “Shpërdorimi i detyrës”, parashikuar nga neni 248 i Kodit Penal.

Erion Veliaj është lënë në burg nga të gjitha nivelet e gjykatave, pasi qëndrimi i tij jashtë qelisë do të rrezikonte prishjen e provave.

Ndërkokë, përgjatë një viti, Veliaj ka përdorur lobime, artikuj të paguar dhe mediat e tij, duke u përpjekur prej rreth 7 muajsh të shtyjë gjyqet pasi i druhet drejtësisë.