Pep Guardiola - i shqetësuar për pikët e humbura të Man.Cityt kundër Nottinghamit!...
Nga OraNews Përditësimi i fundit 5 Mars 2026, 08:44
Pep Guardiola, trajneri i Manchester Cityt, pas barazimit 2-2 kundër Nottingham Forest, u shpreh: "Kanë mbetur nëntë ndeshje për t'u luajtur, tetë për Arsenalin. Ndeshja tjetër është kundër Newcastle. Gjithmonë jam i përqendruar te ndeshja tjetër.
E analizoj ndeshjen dhe mendoj se ishte një performancë e mirë në shumë aspekte. Ka gjëra për të përmirësuar. Por në përgjithësi, ishte shumë mirë. Është e vërtetë që humbëm shumë pikë pasi morëm kryesimin.
Ndonjëherë ishte pak a shumë e merituar, por sonte (e mërkurë ), mendoj se luajtëm 90 minuta shumë të mira. Kishim vrullin, fillimisht menduam se ndoshta duhej të ndalonim tranzicionet, disa lojëra nuk u ekzekutuan mirë, por në përgjithësi, pati gjëra pozitive.
Sidomos kundër një skuadre kaq mbrojtëse, një skuadre shumë të mirë, me vrull të mirë. Ndoshta mund ta kishim gjetur më shumë Haalandin dhe vrapimet e tij fantastike, por përveç kësaj, luajtëm mire”.
