STERILIZIMI/ GJKKO vendos: Ja sa vite burg dënohen ish-zv.Ministri Rrjepaj, biznesmeni Rrapaj dhe 6 të tjerët

Nga Edison Vatnikaj Përditësimi i fundit 4 Mars 2026, 16:44

Gjykata e Posaçme ka shpallur vendimet për dosjen "Sterilizimit", ku në akuzë janë 8 të pandehur që kanë pranuar gjykimin e shkurtuar.

Në këtë proces, është i përfshirë ish-zv.ministri i Shëndetësisë, Klodian Rrjepaj, si dhe biznesmeni Ilir Rrapaj, përfaqësues i kompanisë koncesionare.

Mes të akuzuarve ishin edhe anëtarë të komisionit të vlerësimit të ofertave.

Gjykata vendosi dënimin me 6 vite burg për Klodian Rrjepajn, por për shkak të gjykimit të shkurtuar dënimi ulet në 4 vite burg.

Me 6 vite burg u dënua edhe Ilir Rrapaj, dënim që po ashtu ulet në 4 vite për shkak të procedurës së shkurtuar.

Ndërsa për Marsela Serjanin u dha dënimi me 3 vite e 6 muaj burg, i cili me gjykim të shkurtuar ulet në 2 vite burg.

Për të u vendos heqja e masës “arrest në shtëpi”, pasi dënimi konsiderohet i kryer për shkak të kohës së kaluar në këtë masë sigurie.

Në këtë dosje është i përfshirë edhe ish-ministri i Shëndetësisë, Ilir Beqaj, por çështja ndaj tij është ndarë nga ky proces.

Gjykimi për Beqajn po vijon me procedurë të zakonshme dhe nuk ishte pjesë e vendimmarrjes së sotme.

Vendimi i Gjykatës së Posaçme mbyll fazën për të pandehurit që pranuan gjykimin e shkurtuar, ndërsa procesi për të akuzuarit e tjerë vijon veçmas.

KONKRETISHT GJKKO VENDOSI:

-        Klodian Rjepaj, dënohet 6 vite burg, me gjykim të shkurtuar, 4 vite;

-        Ilir Rrapaj dënohet 6 vite burg, me gjykim të shkurtuar, 4 vite;

-        Marsela Serjani dënohet 3 vite e 6 muaj burg, me gjykim të shkurtuar, 2 vite burg! Heqja e masës “arrest në shtëpi” pasi e ka bërë dënimin me masë arresti në shtëpi;

-        Petrit Mersini dënohet me shërbim prove, i hiqet masa “detyrim paraqitje”;

-        Arben Gjata dënohet me shërbim prove;

-        Genc Byrazeri dënohet me 80 orë pune në interes publik;

-        Naile Ajazi dënohet me shërbim prove;