Zbulohen 160 predha të L*ftës së Dytë Botërore në Selenicë, ekspertët zhvilluan operacione për dy ditë në zonë
Nga OraNews Përditësimi i fundit 4 Mars 2026, 14:58
Zbulohen 160 predha të mbetura nga Lufta e Dytë Botërore në fshatin Vodiçë, Njësia Administrative Kotë të Bashkisë Selenicë.
Ditën e djeshme, u gjetën dhe u siguruan rreth 140 predha mortaje, ndërsa gjatë ditës së sotme u evidentuan edhe 20 predha të tjera.
Mësohet se ato u gjetën, nga një firmë që po kryente punime në zonë, e cila njoftoi menjëherë forcat për praninë e municioneve të rrezikshme.
Ekspertët mbërritën në vendngjarje dhe për dy ditë me radhë zhvilluan operacionin për identifikimin dhe largimin e predhave.
