VIDEO/ S*lme të reja ajrore izraelite në Teheran, ndërsa Irani s*lmon qytetet e Gjirit!

Nga OraNews Përditësimi i fundit 1 Mars 2026, 10:47

Shpërthime të fuqishme në Dubai, Doha dhe Manama për të dytën ditë me radhë.

Irani nisi raketa dhe dronë kundër Izraelit dhe bazave amerikane në Gjirin Persik. Synoi 27 baza dhe instalime ushtarake në Tel Aviv.

Në sulmin amerikano-izraelit ndaj Khameneit, u vranë gjithashtu katër zyrtarë të lartë të regjimit. Iranianët kërkojnë dhe thërrasin për hakmarrje, ndërsa mbajnë zi për Khamenein.

Larijani, i cili ishte një këshilltar kyç i Khameneit, njoftoi hakmarrje dhe njoftoi se së shpejti do të formohej një strukturë e përkohshme udhëheqëse që do të përfshinte presidentin dhe kreun e gjyqësorit.

Por e menjëhershme përgjigja e presidentit Trump, që paralajmëroi se nëse ata sulmojnë, do shikojnë një goditje që s’ka ndodhur kurrë më parë.

Një burim sigurie i tha Agjencisë së Lajmeve të Omanit se dy dronë goditën portin e Dumnës, duke plagosur një punëtor të huaj.

Një dron goditi një njësi banimi të lëvizshme për punëtorët, ndërsa mbeturinat nga droni i dytë ranë pranë rezervuarëve të karburantit, duke mos shkaktuar dëme, tha burimi.

Nuk kishte informacione të tjera të disponueshme menjëherë. Dhjetëra të plagosur raportohen në vendet e Gjirit Persik ku Irani goditi baza të SHBA-ve, si Oman dhe Emiratet Arabe.