VARËSIA NGA DR*GA/ Hysenaj: Gjithçka nis kurioziteti, adoleshentët më të rrezikuarit
Nga Sonila Musai Përditësimi i fundit 15 Shkurt 2026, 14:03
Në Shqipëri, por jo vetëm, çdo ditë ka histori që nisin me një cigare të parë në adoleshencë dhe përfundojnë në varësi të fortë nga drogat e forta.
Shumë prej përdoruesve të drogës e nisin si kuriozitet, si presion shoqëror apo si arratisje nga problemet familjare e sociale. Por rruga shpesh bëhet e pakthyeshme pa ndihmë profesionale.
Në një Qendër Rehabilitimi në kryeqytet, individë të moshave të ndryshme trokasin në derë pasi kanë humbur kontrollin mbi jetën e tyre.
Drejtori i qendrës, Orges Hysenaj, tregon se shumica e përdoruesve të drogës e shohin qendrën si zgjidhjen e fundit, jo të parën.
Hysenaj thotë se programi i rehabilitimit është rezidencial dhe zgjat 12 muaj.
Ai nuk fokusohet vetëm në ndërprerjen e përdorimit të drogës, por në ndryshimin e plotë të stilit të jetesës
Hysenaj thotë se adoleshentët mbeten grupi më i rrezikuar dhe varësia shpesh nis me duhanin, kalon te alkooli dhe më pas te substancat narkotike. Sa më herët të fillojë përdorimi, aq më e vështirë bëhet dalja nga cikli i varësisë.
