VIDEO/ Kundërshtoi urdhrin e evektivëve dhe tentoi të largohej duke rrezikuar jetën e policave, arrestohet 42-vjeçari
Nga OraNews Përditësimi i fundit 3 Shkurt 2026, 13:21
Njoftimi i Policisë:
"Më datë 02.02.2026, rreth orës 17:20, është paraqitur në dalje të Republikës së Shqipërisë me automjetin e tij, shtetasi G. K., 42 vjeç, banues në Republikën e Maqedonisë së Veriut, ku gjatë procesit të regjistrimit i është kërkuar që, së bashku me automjetin, të kalonte për kontroll të imtësishëm në vijën e dytë.
42-vjeçari ka kundërshtuar urdhrin e punonjësve të Policisë dhe ka tentuar të largohej me shpejtësi, duke rrezikuar jetën e punonjësve të Policisë. Në përfundim të veprimeve hetimore u bë arrestimi në flagrancë i shtetasit G. K., për veprat penale “Kundërshtimi i punonjësit të rendit publik” dhe “Kalimi i paligjshëm i kufirit”, si dhe iu sekuestrua automjeti me të cilin lëvizte. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme."
