FOTO/ Valentino Murataj rikthehet te Partizani!
Nga OraNews Përditësimi i fundit 31 Janar 2026, 09:18
FK Partizani ka njoftuar zyrtarisht rikthimin e Valentino Murataj në familjen e kuqe. Mesfushori, i formuar në Akademinë e Partizanit dhe kampion me ekipin U-19, ka qenë pjesë e ekipit të parë gjatë periudhës 2021-2024.
Në sezonin 2022-2023, Murataj luajti një rol të rëndësishëm në fitimin e titullit të 17-të kampion të Shqipërisë, si dhe në triumfin e Superkupës.
Ish-kapiteni i kuq rikthehet pas aventurës te Flamurtari dhe do të veshë sërish fanellën me numrin 21. Valentino ka nënshkruar me Partizanin një kontratë 1.5-vjeçare, duke u bërë sërish pjesë e projektit ambicioz të klubit.
Partizani mirëpret sërish në shtëpi mesfushorin e tij të talentuar dhe përvojën që sjell për ekipin.
