Kristjan Asllani "vesh" zyrtarisht uniformën e Beşiktaş/ Ekipi bardhezi mirëpret mesfushorin shqiptar
Nga OraNews Përditësimi i fundit 30 Janar 2026, 20:21
Beşiktaş ka zyrtarizuar marrëveshje mesfushorit shqiptar Kristjan Asllani.
Klubi turk ka arritur marrëveshje me Interin për transferimin e përkohshëm të futbollistit deri në fund të sezonit 2025–2026.
Sipas njoftimit zyrtar të ekipit, marrëveshja përfshin edhe një opsion blerjeje në favor të Beşiktaş, i cili mund të aktivizohet në përfundim të huazimit.
Në njoftimin e bërë publik, klubi i uron suksese Asllanit me fanellën bardhezi, duke e cilësuar atë si pjesë të “uniformës së lavdishme” të Beşiktaş.
Kristjan Asllani pritet t’i bashkohet menjëherë skuadrës dhe të nisë aventurën e re në kampionatin turk, pas eksperiencës së tij me Interin në Serie A.
