Shqipëria pjesë e Bordit Ndërkombëtar të Paqes, me ftesë të Presidentit Trump
Nga OraNews Përditësimi i fundit 17 Janar 2026, 18:04
Kryeministri Edi Rama njofton me krenari se është ftuar personalisht nga Presidenti Donald Trump për të përfaqësuar Shqipërinë në Bordin Ndërkombëtar të Paqes, një organizatë e re ndërkombëtare e ideuar nga vetë Presidenti Trump.
Rama e cilëson këtë ftesë si një arritje historike për Shqipërinë, duke theksuar se vendi ynë përfaqësohet si anëtar themelues, një zhvillim që rrit imazhin dhe respektin ndërkombëtar të Shqipërisë.
SHUMË I NDERUAR NGA FTESA PERSONALE E PRESIDENTIT TRUMP, PËR TA PËRFAQËSUAR SHQIPËRINË NË BORDIN E PAQES, NJË ORGANIZATË E RE NDËRKOMBËTARE E IDEUAR PREJ TIJ, KU SHQIPËRIA FTOHET SI ANËTAR THEMELUES, DUKE NGJITUR KËSHTU NDËRKOMBËTARISHT NJË TJETËR MAJË KREJT TË PAIMAGJINUESHME VETËM DERI PAK VITE MË PARË.
NUK MUND TË JEM DOT MË KRENAR PËR SHQIPËRINË, PËR GJITHÇKA KEMI BËRË NË KËTO VITE DUKE E KTHYER NË NJË SHQIPËRI TJETËR, TË DINJITETSHME E TË RESPEKTUAR BOTËRISHT SI ASNJËHERË, E PADISKUTIM EDHE PËR NIVELIN KU E KEMI NGRITUR MARRËDHËNIEN E PARTNERITETIT TONË STRATEGJIK ME SHTETET E BASHKUARA TË AMERIKËS, DUKE U FTUAR ME NJË RESPEKT E VLERËSIM KREJT TË POSAÇËM NGA PRESIDENTI DONALD J. TRUMP, PËR T’U BËRË PJESË E NJË BORDI NDËRKOMBËTAR TË KRIJUAR E KRYESUAR PREJ ATIJ VETË DHE PËR TË PUNUAR SË BASHKU ME TË.
THANK YOU MR.PRESIDENT
GOD BLESS ALBANIA AND THE UNITED STATES
