Ja pse duhet të bashkohemi nesër
Nga OraNews Përditësimi i fundit 16 Janar 2026, 22:24
Nga Elton Laska
Fajin për ngrirjen e vizave emigruese nga Amerika për shqiptarët duhet ta kërkojmë te qeveria jonë.
Ja arsyet:
Na vjedhin duke u fshehur pas “mjekësisë falas”, ndaj detyrohemi të kërkojmë shërim në SHBA apo në Europë.
Na vjedhin buxhetin, dhe nuk ka para për pensionet, arsimin, punonjësit e policisë, zjarrfikësit, etj.
Kemi probleme serioze me pronat, rendin dhe sigurinë. Drejtësia zgjat me vite dhe, për të marrë të drejtën që të takon, duhet të paguash.
Shumica e atyre që po e braktisin Shqipërinë janë të rinj, por edhe të moshuar me viza emigruese për bashkim familjar.
Në Amerikë, sipas statistikave të administratës Trump, 46% e shqiptarëve përfitojnë nga fondet publike.
Pra, pothuajse një në dy shqiptarë marrin ndihmë nga shteti. Pse? Sepse janë të varfër dhe nuk ia dalin dot.
Prandaj, kjo qeveri e korruptuar, që po na varfëron çdo ditë e më shumë dhe po na detyron të shpopullojmë vendin tonë, duhet rrëzuar.
