Pezullimi i vizave/ Rubio heq Venezuelën nga lista pas arrestimit të Maduros

Nga OraNews Përditësimi i fundit 15 Janar 2026, 23:16

Venezuela nuk përfshihet në listën e 75 vendeve që kanë pezulluar proceset e marrjes së vizave amerikane, pasi sipas mediave amerikane, Sekretari i Shtetit Marco Rubio vendosi të përjashtojë shtetasit venezuelianë nga ky grup kombesh.

Sipas raportimeve, pas arrestimit të Nicolas Maduro, me urdhër të Trump, Rubio e ka hequr Venezuelën nga lista.

Pikëpamja e qeverisë amerikane është se aplikantët për viza nga këto 75 vende janë aplikantë të mundshëm për shërbimet sociale të SHBA.

Departamenti i Shtetit tha se kishte udhëzuar zyrtarët konsullorë të pezullojnë aplikimet për viza imigruese nga vendet e prekura, në përputhje me një urdhër më të gjerë të lëshuar në nëntor që shtrëngoi rregullat për emigrantët e mundshëm që mund të bëhen tarifa publike në Shtetet e Bashkuara.

Ky vendim është pjesë e strategjisë së shkurtimeve buxhetore të miratuara nga administrata e presidentit amerikan Donald Trump.

Dispozita bazohet në ndalimet e urdhëruara më parë të qeverisë amerikane për imigracionin dhe largimin në gati 40 vende dhe është pjesë e përpjekjeve të vazhdueshme të Trump për të shtrënguar standardet për të huajt që hyjnë në vend.

Afganistani, Shqipëria, Algjeria, Antigua dhe Barbuda, Armenia, Azerbajxhani, Bahamas, Bangladeshi, Barbados, Bjellorusia, Belize, Butani, Bosnja, Brazili dhe Birmania.

Kamboxhia, Kameruni, Kepi i Gjelbër, Kolumbia, Kongo, Kuba, Dominika, Egjipti, Eritrea, Etiopia, Fixhi, Gambia, Gjeorgjia, Gana, Grenada, Guatemala, Guinea, Haiti, Irani, Iraku dhe Bregu i Fildishtë.

Përfshihen gjithashtu qytetarët e Xhamajkës, Jordanisë, Kazakistanit, Kosovës, Kuvajtit, Kirgistanit, Laosit, Libanit, Liberisë, Libisë, Maqedonisë, Moldavisë, Mongolisë, Malit të Zi, Marokut, Nepalit, Nikaraguas, Nigerisë, Pakistanit dhe Republikës së Kongos.

Gjithashtu Rusia, Ruanda, Saint Kitts dhe Nevis, Saint Lucia, Saint Vincent dhe Grenadines, Senegal, Sierra Leone, Somalia, Sudani i Jugut, Sudani, Siria, Tanzania, Tajlanda, Togo, Tunizia, Uganda, Uruguai, Uzbekistani dhe Jemeni