SPURS MARRIN GALLAGHER/ Tottenham, marrëveshje 34.6 mln paund me Atletico Madridin
Nga OraNews Përditësimi i fundit 13 Janar 2026, 17:29
Tottenham ka arritur marrëveshje me Atlético Madrid për transferimin e Conor Gallagher, duke mposhtur konkurrencën e Aston Villa-s dhe Manchester United. Mesfushori i Anglisë kërkon rikthimin në Premier League për të siguruar vend në listën e Botërorit 2026, pasi ka luajtur shumë pak këtë sezon në Spanjë.
Tottenham Hotspur janë shumë pranë firmosjes së Conor Gallagher, pasi kanë arritur marrëveshje deri në 40 milionë euro me Atlético Madridin, një lëvizje që i vendos ata përpara Aston Villa-s në garën për mesfushorin anglez.
Gallagher, që prej transferimit nga Chelsea te Atlético në vitin 2024, ka vetëm katër ndeshje si titullar në La Liga dhe kërkon rikthim në Angli për të siguruar vend në Botërorin 2026.
Spurs shpejtuan bisedimet pas dëmtimit të Rodrigo Bentancur, i cili pritet të mungojë rreth tre muaj.
Oferta e tyre përfshin rreth 25 milionë paund paraprakisht dhe bonuse që e ngjisin totalin në shumën që Atlético pagoi një vit më parë. Villa tentoi një marrëveshje huazimi me detyrim blerje, por klubi spanjoll preferoi shitje të plotë.
Tottenham synon ta mbyllë sa më shpejt marrëveshjen e Gallagher, i cili shihet si një element kyç për pjesën e mbetur të sezonit dhe objektivat e skuadrës në kampionat dhe në Europë.
Ndërkohë, Tottenham po përballet me çështjen e Mathys Tel, i cili ka bërë të qartë se është i gatshëm të largohet në huazim për të siguruar më shumë minuta.
Talenti 20-vjeçar, që ka pak aktivizim nën drejtimin e trajnerit Thomas Frank, ka kërkesa nga Fenerbahçe, Galatasaray, Paris FC dhe disa klube në Itali e Spanjë. Megjithatë, Spurs hezitojnë ta lënë të largohet, sidomos pas shitjes së Brennan Johnson te Crystal Palace.
