SERBI – Në qytetin e Valjevës shpallet gjendje e jashtëzakonshme për shkak të motit të keq
Nga OraNews Përditësimi i fundit 8 Janar 2026, 18:00
Në Valjevë u shpall gjendja e jashtëzakonshme për shkak të problemeve të shkaktuara nga reshjet e dëborës që ranë ditët e kaluara.
Shefi i shtabit për situatat e emergjencës, Aleksandar Pavloviç deklaroi se ende po mblidhen raportet mbi situatën në terren.
Ndërkohë, sipas B92, ministrja e Ekonomisë Adrijana Mesaroviç vizitoi qytetin e Valjevës dhe komunën e Oseçinës në lidhje me situatën aktuale në ato vende, e cila u shkaktua nga një sasi e madhe reshjesh dëbore.
Mesaroviç deklaroi në llogarinë e saj në Instagram se mori pjesë në një takim të jashtëzakonshëm të Shtabit Bashkiak për Situata Emergjente në Oseçinë, ku u diskutua situata aktuale e shkaktuar nga një sasi e madhe reshjesh dëbore dhe masat urgjente që duhet të zbatohen për të siguruar furnizimin e rregullt me energji elektrike për familjet në rrethana të jashtëzakonshme moti.
Gjatë ditës së djeshme, Mesaroviç vizitoi edhe zonën e Loznicës dhe zonat e kërcënuara për shkak të problemeve të motit të shkaktuara nga bora dhe shiu i ngrirë dhe bisedoi me qytetarët, të cilët i treguan asaj se me çfarë problemesh po përballeshin.
