71 vjeç, hera e parë në votim: Ja pse nuk kishte votuar më parë !
Nga OraNews Përditësimi i fundit 28 Dhjetor 2025, 15:44
Një 71-vjeçar nga fshati Vrellë i komunës së Istogut ka bërë histori këtë të diel, duke votuar për herë të parë në jetën e tij në zgjedhjet parakohshme parlamentare në Kosovë.
Ai ka treguar për mediat lokale se nuk kishte mundur të votonte më parë, pasi kishte jetuar jashtë vendit dhe nuk kishte mundësi të kthehej për të ushtruar të drejtën e tij qytetare. Pas shumë viteve në emigrim, kjo ishte hera e parë që ai mori pjesë në procesin zgjedhor.
Pas votimit, 71-vjeçari shprehu shpresën që zgjedhjet të sjellin të mirën për qytetarët e Kosovës, duke theksuar rëndësinë e pjesëmarrjes në jetën demokratike të vendit.
Kjo histori tregon se asnjëherë nuk është vonë për të ushtruar të drejtën e votës dhe se pjesëmarrja qytetare mund të vijë në çdo moshë.
