Kalim i paligjshëm i kufirit në Kosovë/ Policia ndalon 5 shtetasit serb, dyshohet se njëri prej tyre ish- pjesëtar i FAS
Nga OraNews Përditësimi i fundit 28 Dhjetor 2025, 12:40
Policia e Kosovës ka ndaluar sot pesë serbë nën dyshimin se kanë tentuar të kalojnë kufirin në mënyrë të paligjshme.
Sipas mediave kosovare, personat e ndaluar janë identifikuar si: SR (1981), MS (1986), SZ (1995), VK (1989) dhe DZ (2002).
Ngjarja ka ndodhur në zonën e Kamenicës, ku personat janë ndaluar gjatë kontrolleve në terren. Njëri nga të ndaluarit, dyshohet të ketë qenë ish-pjesëtar i Forcave të Armatosura të Serbisë.
Sipas mediave të Kosovës, i dyshuari mund të ketë pasur informacione lidhur me plane të mundshme për cënimin e procesit zgjedhor. Megjithatë këto pretendime mbeten akoma në fazë verifikimi.
