Avokati i Popullit, Kalaja: Berisha dhe PD-ja më shitën për Shabanin
Nga OraNews Përditësimi i fundit 12 Dhjetor 2025, 13:05
Adriana Kalaja, një ndër gjashtë kandidatet për Avokat Populli, ka reaguar me kritika pas zgjedhjes së Endri Shabanit në këtë post.
Kalaja ka ngritur akuza ndaj Sali Berishës, se ky i fundit bashkë me deputetët e opozitës e ‘kanë shitur’, për Endri Shabanin, të mbështetur nga PS-ja, duke i dhënë atij firmat.
Kalaja thotë se Berisha dhe PD-ja kanë shkelur kontributin e saj në këtë forcë politike, duke pranuar marëveshjen me sorosistin Shabani.
“Fakti që Kreu i Organizatës Kriminale, ngrihet e shkon në Kuvend për të çuar deri hë fund “marëveshjen” me PD dhe opozitën, nga frika se mund t’i rridhte 1 votë pro meje, është fitorja ime e rradhës. Nga ana tjetër, 69 vota kundër të banditëve të tij me urdhër, tregon frikën e tij jo ndaj meje, por ndaj emrit dhe kontributit tim, kontribut në fakt që e shkeli si Partia Demokratike ashtu edhe Z. Berisha, përsa kohë pranoi marëveshjen me sorosistin Shabani”,- shkruan Kalaja ndër të tjera në fb.
