Vështirësohet qarkullimi i automjeteve, mjegulla e dendur bllokon aksin Korçë–Pogradec
Nga OraNews Përditësimi i fundit 11 Dhjetor 2025, 10:46
Mjegulla e dendur që ka përfshirë aksin rrugor Korçë-Pogradec që në orët e para të mëngjesit ka vështirësuar qarkullimin e automjeteve.
Drejtuesit e mjeteve raportojnë për shikueshmëri të reduktuar, në disa zona deri në disa metra, duke e bërë lëvizjen të rrezikshme.
Autoritetet rrugore u bëjnë thirrje të gjithë drejtuesve të kenë kujdes të shtuar gjatë qarkullimit, të ulin shpejtësinë dhe të përdorin dritat e mjegullës.
Deri tani nuk raportohet për incidente, por patrullat e policisë janë të pranishme përgjatë segmentit për të monitoruar situatën dhe për të ndërhyrë në rast nevoje.
