Aksident me 4 të plagosur në Malësinë e Madhe
Nga OraNews Përditësimi i fundit 3 Dhjetor 2025, 16:06
Një aksident automobilistik ka ndodhur ditën e sotme në Malësi të Madhe, në dalje të qytetit të Koplikut.
Bëhet me dije se në aksident janë përfshirë dy automjete, të cilat janë përplasur me njëri-tjetrin.
Si pasojë e përplasjes kanë mbetur të plagusur dy drejtuesit e automjeteve dhe dy pasagjerë, të cilët ndodhen në spital nën kujdesin e mjekëve.
Ndërkohë grupi hetimor po punon për zbardhjen e plotë të rrethanave të aksidentit.
Njoftimi:
Malësi e Madhe/Informacion paraprak-Rreth orës 15:10, në dalje të qytetit të Koplikut, automjeti me drejtues shtetasin N. G., është përplasur me automjetin me drejtuese shtetasen E. L.
Si pasojë janë dëmtuar të dy drejtuesit e automjeteve dhe dy pasagjerë shtetasit L. S., dhe R. S., të cilët ndodhen në Spitalin Rajonal Shkodër, në kujdesin e mjekëve.
Grupi hetimor po punon për zbardhjen e rrethanave të aksidentit.
