DITA E AFTËSISË SË KUFIZUAR/ Thirrje për dinjitet dhe mbështetje të vazhdueshme. Kërkohet njohja e kujdestarisë si vite pune. Fëmijët me autizëm, ende pa shërbime bazë

Nga Sonila Musai Përditësimi i fundit 3 Dhjetor 2025, 14:57

Në Ditën Ndërkombëtare të Personave me Aftësi të Kufizuar, Shoqata ‘Autizmi’ ngre alarmin për mungesën e shërbimeve dhe mbështetjes, ndërsa kërkon njohjen e kujdestarisë si vite pune dhe rritjen e fondeve për personat mbi 18 vjeç.

Në Ditën Ndërkombëtare të Personave me Aftësi të Kufizuar, Shoqata “Autizmi” ngriti shqetesimin për mungesën e shërbimeve dhe mbështetjes që kjo kategori përballet çdo ditë.

Drejtoresha ekzekutive, Eglantina Bajrami tha se personat me autizëm dhe familjet e tyre vijojnë të hasin pengesa të mëdha, që nga aksesueshmëria deri te trajtimet bazë që duhen garantuar nga shteti.

Bajrami theksoi se është jetike njohja e kujdestarisë si vite pune, duke i dhënë nënave dhe prindërve statusin që meritojnë për përkujdesjen e përditshme ndaj fëmijëve me autizëm.

DITA E AFTËSISË SË KUFIZUAR/ Thirrje për dinjitet dhe

Kërkoi gjithashtu rritjen e fondit të mbështetjes për moshat pas 18  vjeç, pasi siç u shpreh ajo kjo kategori shpesh mbetet e harruar.

Shoqata “Autizmi” apelon që institucionet të marrin masa konkrete dhe të shpejta, në mënyrë që personat me aftësi të kufizuar të mos jenë thjesht pjesë e statistikave, por qytetarë me të drejta të garantuara dhe mbështetje dinjitoze.