Tjetër aksident në vend/ Përplasen dy makina në aksin Lushnjë-Rrogozhinë, “Ford”-i shpërthen në flakë
Nga OraNews Përditësimi i fundit 22 Nëntor 2025, 16:59
Një tjetër aksident ka ndodhur mesditën e kësaj të shtune në vend.
Dy automjete janë përplasur në aksin Lushnjë-Rrogozhinë, pranë rrethrrotullimit të Grabjanit.
Mësohet se një mjet tip “Ford” ka goditur nga pas një mjet tip “BMW”.
Si pasojë e goditjes “Ford”-i ka shpërthyer në flakë.
Drejtuesi i mjetit ka arritur të dalë menjëherë nga automjeti, duke marrë dëmtime të lehta.
Ende nuk dihen shkaqet e aksidentit.
Policia ndodhet tashmë në vendin e ngjarjes.
