VIDEO/ Rama prezanton Pr.Buxhetin dhe Paketën Fiskale, opozita i kthen kurrizin, kryeministri: Më mirë se fytyra juaj! Mbetët kashtë e ko*e!
Nga OraNews Përditësimi i fundit 19 Nëntor 2025, 11:27
Deputetët e Partisë Demokratike kanë mbajtur një qëndrim ndaj kryeministrit Edi Rama në momentin kur ky i fundit mori fjalën për të prezantuar buxhetin në Parlament.
Rama iu kthye se me këtë veprim, demokratët po i lehtësojnë fjalimin pasi, sipas tij, më mirë kurrizi se sa fytyra e tyre.
“Edhe të ankohen për ligjin edhe të më ktheni kurrizin mua sikur nuk shkon. Megjithatë faleminderit për këtë lehtësim që i bëni fjalimit tim, sepse më mirë shpina sesa fytyra juaj”, tha Rama në nisje të fjalës së tij.
Referuar protestës së opozitës të mbajtur dy ditë më parë te Kryeministria, për largimin e tij dhe të Ballukut, Rama u është drejtuar deputetëve demokratë me fjalor rruge teksa ka thënë se këta të fundit kanë mbetur “kashtë e koqe”.
“Sot pikërisht pse drejtësia është e pavarur, shqiptarët i referohen drejtësisë dhe jo atyre që duan të bëjnë prokurorin rrugëve dhe kur dalin në rrugë mbesin kashtë e koqe, siç më thanë që kishin mbetur para dy netësh”,- është shprehur Rama.
VIDEO - NDIQNI PUNIMET E SOTME NË SEANCË PLENARE
